Sunday

Dahil napuyat ako nun Sat night, after lunch na ako bumangon. Nabasa basa tapos nag-ayos ng mga gamit. Around 4pm gumayak na ko para pumunta sa SM Makati para i-meet si Christopher. Sumali kasi sya sa BAKAC 2005 – GUNDAM REGIONAL FINALS. So, moral support ako dun at semi-alalay na rin. Sayang, hindi sya nanalo. Pero ok lang din naman dahil first time nya yun at mukhang sobrang enthusiasts yun mga nanalo.

Puro taga-MechaPinoy ang nanalo. Magaling naman kasi sila. Wala ako masyado makwento dahil wala akong alam tungkol sa gundam.

----------------
Sumakay ako ng Landmark na jeep papunta dun. Nung nasa Makati Ave. na ako, napansin ko yun apelyido sa jersey na nasa upuan sa harap -- Guansing.

Naalala ko yun kapitbahay namin. Kalaro ko sila dati tapos nung HS ako, lumipat sila ng bahay. Tapos bigla ko naalala na sa Makati nga pala sila lumipat at meron silang pamasaherong jeep. Madalas kami maglaro sa jeep nila. Tapos nakasulat dun dati GUAD. IBABAW DELPAN.

Hindi ko alam dati kung saan yun lugar na yun. Pero alam ko na ngaun dahil lagi akong nakakasakay dun. Kinabahan ako. Si manong driver kaya ay si Kuyang Junior na dati naming kapitbahay? Tiningnan ko yun jeep, hindi naman kamukha nung jeep na pinaglalaruan namin dati. Sinisilip ko din sa salamin yun driver pero hindi ko masyado makita.

Hindi ko namalayan na nasa Landmark na pala kami. Ako yun huling bumaba sa jeep tapos habang pababa ako, kinausap nya yun barker. Sa palagay ko, siya nga yun...